家．可以加多點什麼？

　　不經不覺三日兩夜的聖樂營結束了，再一次感謝詩薇Cell及有份負責的弟兄姊妹，給予大家一個很好的學習機會，一同生活及彼此分享的時間，辛苦哂！
　　最後的獻心會中，大家的真情剖白叫我很感動，最終肥倫的分享／指控（笑）更迫使我不得不出來作出回應／澄清（笑）；當中Stephen的分享，令我回憶起差不多十年前的一件事情，當時我已加入了詩班兩年的時間，漸漸的開始與同工們相熟起來，而我們更培養了練習後一同食飯分享的習慣，食飯後一班弟兄更會不怕死般到附近的公園繼續作無界別的分享，小則生活瑣事，大則天下大事也無所不談，互相分享大家的看法與感受，彼此認識、支持及鼓勵，更值得感恩的是這幾個傻仔／佬還會分享信仰、教會及詩班的事情，有好幾次更癲到「通頂」然後再返工，真是兒童不宜及需要PG家長指引！
　　在一次分享中，大家道出了自己對詩班的看法與承擔，記得我當時有一個目標，很簡單的，就是盡量令大家在詩班中保持輕鬆愉快的狀態，懷著喜樂的心去事奉神，當日詩班的事奉亦演變成今天可愛的家了，而我亦繼續向著這個目標努力；大家有否為自己家居裝修的經驗呢？我相信大家總會為到自己的家去著想，如何佈置會更適合呢？需要添置什麼家具／用品呢？為的就是想建立一個舒適的家，讓一家人能好好的生活，不知道您看到詩班（我們的家）有什麼需要呢？有什麼需要加添的呢？請不要猶豫了，讓我們互相付出自己微小的一點，靠著神的恩典把我們的力量積聚加增起來，彼此共同努力去建立這個家！

「惟用愛心說誠實話、凡事長進、連於元首基督，全身都靠他聯絡得合式、百節各按各職、照著各體的功用、彼此相助、便叫身體漸漸增長、在愛中建立自己。」以弗所書四章十五至十六節

感恩

親愛的各位：

其實我都希望可同大家分享一下，呢兩個幾月黎嘅經歷．由於禮拜四練歌時間有限，所以我都係選擇在詩班網頁內分享．　　當初知道有了BB時，好開心，好感恩，甚至唔敢相信呢個係事實．自此之後，我就有好大嘅變化．每朝早一醒就勁作嘔，其至冇野嘔都照嘔．就算行路，等車，搭緊車，都會作嘔，有時又怕被人見到，都好尷尬．作嘔嘅感覺係唔會停架，頭一個月，我最慘，成日作嘔，食又食唔到，肚餓但食唔落，食少少已經好飽，再食就會嘔，飲水都唔可以飲多過兩啖，又想嘔．係屋企無端端都會嘔，一星期有三四日會嘔，每次嘔都會視付嘔幾多次．這段日子，我過得好辛苦，我每日靈修祈禱，求神醫治我，幫助我．因我當時嘅心情好差，情緒好低落，做乜都冇心機，就連講野都唔想講．睡覺都唔係咁容易，每晚個心口悶住或作嘔住咁嘗試去睡，至少成個鐘才可以入睡．每日循環，你話心情會有幾好？　　四月尾時，因BB嘅情況唔穩定，加上成日嘔，又遇著要做崇拜主席，這時自己嘅情況真的麻麻地，同時開始有些擔心．我祈禱，祈求神賜我精神力量，去完成我的事奉．非常感恩，神真的幫助我，祂使我有力量去做．但跟住嘅聖餐獻詩，我就參與唔到了，因我真的需要休息．　　五月，可能開始適應，我嘅情況雖冇乜改善，但感覺好似好D．而最尾的那個星期，我開始冇朝早作嘔啦！YeahYeahYeah！多謝上帝！不過任何時間嘅嘔都係會繼續架！最攪笑係，我同時間染上傷風，個頭同個鼻好痛，個鼻塞哂！好慘！跟住嘅六月聖餐，我又再一次獻唔到詩啦！好失落！　　我好希望下次可以順順利利咁獻詩，至少獻到百週年感恩崇拜呀！　　在這段時間，真的好多謝各位弟兄姊妹嘅關心同代禱，尤其係有經驗嘅姊妹，佢地俾左好多好寶貴嘅意見，多謝哂！

願神祝福各位．