我寫，為要更明白 -- 2

親愛的弟兄姊妹：

主內安好﹗話咁快我又返左美國一個禮拜啦，諗起就真的光陰似箭…

今天我終於那了我的職員證….想不到這已是來到美國三個月後的事。今次從香港回來途中，我就決心要在拿到職員證後跟大家分享這三個月在這裏的感受。莫看我回來時能鬆容地同大家講我回來拿visa的事，其實在這數個月中因為這件事也令我多次受到打擊。

話說一月的時候未來老細話幫我搞visa，一搞就兩個月，到三月的時候文年還未到手，心想：應該差不多搞掂啦 (因為原本的contract係寫三月開工)，我可以先去適應一下環境再開工，而另一方面，因為做研究工作不單是同時間競爭，而某程度上都係同同行競爭(例如係地球某一個角落有同一個實驗室與你研究同一樣東西)，所以我自己都希望早一點開始Project。係各方面的考慮下就決定先出發了…怎知去到才知道，原來visa還未開始申請…..d文件仲係office既姐姐手上….我也不知道他們在等甚麼…這是第一個的打擊。當時也有點無耐，但反正我都來到，早點開始也好，所以便邊學野邊等了。講真，開始在這裏工作時很不習慣，拿上手甚麼都沒有，相比起來香港可方便得多，但漸漸覺得學到了不少的東西，這裏的科研氣氛很好，令人感到在這裏若不努力工作會立即被人淘汰似的…但對於我來說這來的環境也是頗適合的，就係咁又過了兩個月，心想visa應該來了吧…點知發現…..原來visa申請….還未開始，還告訴我我欠甚麼甚麼文件未交…交齊後再要最少等兩個月….當時真的極度打擊和埋怨：唔好等到最後一刻先同我講得唔得？兩個月前就可以同我講啦….當時除左唔知佢地係點做野之外，自己也唔知點打算。雖然我一直都認為，自己並沒有甚麼過人之處，能有機會在這樣的一間大學做科研比起有冇錢或有幾多錢重要，但冇錢也的確係一個問題…不竟起居飲食都要架嘛。當時我都唔知點做好，也曾想過放棄然後返黎香港搵野做(其實返黎香港就可以立即開工)，但又唔咁心，係考慮前老細既意見底下就走去負責既部門同佢地當面對質(其實唔係話去就去，要booking，仲要唔係成日接電話個隻)。見到負責人時我沒有發火，因為怕發火後佢再要我等半年，仲笑住咁見佢希望佢幫手快d。我亦提意申請另一隻會快d搞到既visa。佢話可以但要返香港攞，咁我就唯有話冇問題啦….咁你估下我等左幾耐就搞好？係一個禮拜….即係話如果佢早點告訴我這個情況…我可能三月去時就可以拿到visa了..

現在跟大家分享這些事時心情也是頗輕鬆的了，但回望過去卻有很多刺激的體會是以前從未遇過。老實說雖然很少將這件時交託給主，但主也靜靜地保守我渡過。如果我當時不是決定先來，可能到八月我也來不了，又或許老細要覺得太麻煩而唔想請我。我相信神給我一個這樣的新開始是有祂的美意的。或許神要我更珍惜這樣的一個機會。

在這裏禮拜四冇得練歌很不習慣，崇拜冇得獻詩都很不習慣，現在唯有在家自己唱，保持良好的狀態，返黎時唔洗比詩班叮走…….

P.S. 我這裏我參加了一個教會的福音營，在那裏作了第一次的獻詩…唱生命的疑問.

edwin